TXIN PUN!

Egualdi kaxkarra in du aste hontan batzan lanean aitzeko. Behinik behin zmz daon ikustera joan nintzen atzo usantxorekin. Eta egia esan aurreko gaueko euri jasak ze txikizio ingo zun kezkaturik neon. Baina ez da horrela izan. Barrabas belarra ta txikori belarra alde guztitan baina nahiko ondo zeon gainontzekoa.

Datorren astean despedida in beharko diot batzai ta inguruko asesoreei, oraingoan ez ditut ikusiko nola ateatzen dien tomate gorri gorri zaporetsuak, edota zanahori earrak, ezta piperrak e, baina beno, ia arduradunak bilatu ditut egindako lanen fruituak jasotzeko, beraz aprobetxa dezatela!!!

BATZAKO KRANPOIAK

Joe!! hau da ia el sumun!!!! batzan ibiltzeko eta aldi beren baltororako entrenatzeko balio duten kranpoiak!!! la letxe!!!!

Para airear el cesped!!! ja ja ja ja!! Oraintxen bertan me estoy imaginando un milloneti con los cranpones pa el cesped jantzita eta bere jardintxoan bueltaka para airear su cesped!!!! bai bai!!
hau mundua!!!! eozer gauza ikusteko jaioak gare!!!! beno, eta izena nola ez, ikearri originala, Aerator Shoes, aerogeneradoe edo punta puntako teknologiataz hitzeiten ai geala emateu, nahi izanez geo nik ingo nizkizueke aireatzeko zapatak!! abixatu lasai!!

ANTONIOREN BARATZA

Atzo batzan lanean ai nitzela Antonio etorri zitzaiten, nere batzako gora beherak kontau nizkion eta gomendio batzuk eman ere bai, la voz de la experiencia! Berea ikustera gonbidatu zidan. Ez dakit inbidia emateko edo zertarako... eta arrazoi guztiarekin. Dena txukun txukun zekan, kalabazinak earrak, letxuk, porruk, bainak, tipulak exkax xamarak baina beno, ezin zaio horregatik meriturik kendu!!

Beste arazotxo bat ere azaldu zait batzan, ikaragarri polittak daren azenaioak gaixotasuna dute,Sclerotinia sclerotiorum izeneko onddoa. Mizelio txuri bat agertzen zaie eta tuberkulua urtsua bihurtzen da. Eta soluzioa, ba zaila... beraz ikusiko degu ze ateratzen den hemendik ere! azkenaldian ez dago notizi on askorik berrobiko batzan, mimo gehiago behar ditu....

AI AI AI!!!

Tomateak dira momentu honetan larrien daudenak!! horregatik ai ai ai!!!!
Bizilagunanak handi handiak dare landareak eta gureak ttikiak eta erdoilak jota!! Klaro, bizilagunarenak urdin urdinak dare, sulfatoz beteta!!

Ez dakit posible izango den egoera kaxkarrari buelta ematea, kaldo bordeles a erosi det eta bihar botako diet, baina klaro ez da momentu onena, erdoila jotzerako egokiagoa da... horrelakoxe gora beherak ba berrobiko baratzan! gainontzean, kalabazinak ikaragarriak eta fruitu eder ederrak ematen!!! eta azkena landatutako letxuk... sobreviviendo, egin dituen bero hauekin eta egunero ureztatu gabe.... ba... hoixen... dedikazio handia behar duela batza eukitzek!

JARDIN BOTANIKOA

Aspalditik nahi nuen batza ondoan dagoen jardinataz hitz egin. Hauek Ikerrek mimo handiarekin zaintzen ditu. Oparitutako landareak dira batzuk, besteak berak gustoko dituenak eta landatutakoak, hauen artean daude,Carpinus betulus, Acer Palmatum disectium, Mahonia, Juniperus...

LANDAKETA BERRIAK

Aste buru honetan ere fundamentu pixkat egin beharra zegoen, aste guztian ezin izan det azaldu, eta mimo batzuen beharrean zegoen batza. Porruk landatu ditugu, ziento bat porru, ea nola moldatzen diren batzako martxara, piparrak ere berriz ere landatu ditut, aurreko landaketa fundamentu handirik gabe egin nituen eta pipar landare bat izan ezik gainontzeko guztiak ximeldu ziren... hori pasatzen da arratsaldeko 5 etan eguzki bero berotan landaketak egiteagatik... dagoeneko ondo ikasi dudala uste det!! eta beste errekonpetsa batzuk ere hasi dira!! kalabazinak, hemendik aurrera a tope izango ditugu!! badoaz pixkanaka gauzak aurrera!!

Orain tomateen gora behera konpondu beharrean naiz, erdoila dute, bai... ez diet oraindik ezer bota, baina egia esan ondoko baserritarrak botatzen dien sulfato kantitate guztiarekin ia gure tomateak ere urdinak daude... !!

ATXURRE

Gaurtik ezin zuen pasa batzako txukuntze lanak, eta Aritz eta bion artean artu atxurrak eta earki aritu gera lanean . Konpainia ere garrantzitsua izaten da horrelakoetan, kontu kontari eta alkarri adarra joz ibili gera!!!

Eta orain berriz ere baratzean landatutakoak ikusten dira . Landaketa batzukin fundamentu handirik ez deu egin, piparrak eta porrun kasua. Oraindik ordea ez da berandu eta berriz ere landaketak egingo ditugu.

Azenarioekin harriturik gaude, ikaragarri polittak daude, eta entresaka lana egiteak pena ematen zigun, baina hau ez bada egiten ondoren azenarioak ttiki ttikiak izango ziren, eta orduan bai pena!

DENA EZIN

Gauza asko egin nahi izaten ditugu, parranda, mendira jun, lagunekin egon, familiarekin, etab etab etab luze bat!! eta klaro dena ezin izaten da egin baratza txukun eduki nahi badezu behintzat!! Mendian lau egun igaro ondoren berrobin izan gara baratza ikusten... eta hau kuxiedadea!! zeharka sartu nituen porruk lehortuta, tomateak kamuflatuta kardabera belar tartean, pasmo belarra eta barrabasa alde guztietatik... un desastre !!!

Honi fundamentua jarri behar zaio!! Bestela batza adios!!Gaur ikusi det zer egin behar deten beraz, bihar arratsalde osoa hantxen, belarrak kentzen behar dan bezela edukitzeko gure berrobiok batza!!! bestela a ze fundamentua!!!

OIHANA

Gaurko bixita, relanpagoa izan da baina nahikoa baratzaren egoera ikusteko ... ze esango det ba! belarrak eta belarrak eta belarrak alde guztitan!!! ia ia landatutakoak ez ziren ikusten atera diren belar guztien artean!!! datorren astean buru belarri aritu beharko det txukuntzen, gainera eguzki handi handia aterako omen da... beraz gonbidatuta zaudete nahi badu norbaitek arratsalde eder bat baratzan pasa lan pixkat eginez eta merienda goxo goxoa nere kontu!!! gainera trukean letxu fresko freskoak etxera eramango dituzue!!

Etxean egoteko giroa denez, honako filma gomendatzen dizuet!!!!

GORRI ALA BERDE?

Greenpeace k ateratako gida honetan

PASMO BELARRA

Gaurkoan ere Sendabelarren munduan murgilduko gara!! Horrenbeste entzuna degun pasmo belarrari buruz idatziko deu; Arrosa- Laranja koloreko lore txiki batzuk izaten ditu,Otsailetik aurrera loratzen da eta uda guztian zehar bilatu dezakegu loretan edozein tokietan.

Kontuz erabili behar den landarea da, toxikoa izan liteke kantitate asko erabili ezkero baita fruituak erabili ezkero! eta ez erabili SEKULA haurrekin!! Pasmo belarra infekzioa eta honen ondoren sortutako zornea kentzeko lagungarria izatea da.

Pasmo belarra eragin handiko belarra da eta kontuz infusioak hartzerakoan, 2 gr. baino gehiakoko kantitateak ez erabili eta ez luzatu 8 10 egun baino gehiago. Enplastoetan eguneko 1 gehienez erabili eta ez luzatu 3 egunetan baino gehiago.
Bronkitisa, katarroa, flemak .... ditugunean enplastoak jarri bularrean. Sinusitis kasuetan masailean edo kopetan.

Enplastuak nola egin ere hementxen;
10-15 gr belar landare oliba oliotan berotu. Ondoren arrautzaren zuringoa bereiztu eta zartagira bota. Honekin tortilla bat egin eta hau etxeko ohial batean bildu. Mina den tokian jarri eta hoztu arte eduki.

Zauri gaiztotuetan, arantza edo bestelakoak ditugunean ere enpkastuak edo ukenduak erabili daitezke.

KONTUK ETA KOMERIK

Dagoeneko Ekainen gare baina ez dirudi, agian oraindik ez naizelako hondartzan izan da...baina bueno, aste hontarako esanda dagoen eguraldiak ez dakit asko lagunguko ote dion baratzari... Euria euria eta euria... Bizilagunak tomate landareak urdin urdin eginda ditu dagoeneko erdoiak ez dezan jo baina horrela ere nahiko lanetan ibiliko gara denok!

Pasa den astean landatutako piperrak ere gaur oso triste ikusi ditut, ni ere iluminatu xamarra, asteburuan ezin nuenez baratzan lanik egin, ostegun arratsaldean landatu nituen eguzki epeletan eta beida guain ze komerikin gabiltzan. Baratzako erritmora guk ohitu behar degu eta ez bera gurera, eta noski, lehentasunak zeintzuk diren argi jakin behar degu... eta hortan dare inkonpatibilidadeak!!

Kalabazinekin ere disgusto txiki bat izan det, pasa den astean lorea emanda eta lau- bost kalabazintxo ikusi nituen, ba gaurko beste sorpresa, hauek lorea botata eta fruitua ere horitzen hasita daudela konturatu naiz!! Ia seguru ez direlako polizatuak pasa da hau, baina honi ere erremdioa jarri beharko zaio!!

Eta beste nobedadeen artean; amatxok ere baratza ezagutu du!! Ez dakit ama delako eta kunplitzeagatik edo animoak emateko esan ote didan baina, itxura polita omen du!! Laister bixitak antolatzen hasi beharko degu, bakoitzari letxu bana eman eta afaltzea denok elkarrekin joateko aitzaki polita!!

LEHEN ENTSALADA

Azken post ean komentatzen nuen bezala azelga batean pulgoi plaga genuen. Hori konpondu dela dirudi, horretarako errezeta erabi nuen eta oraingoz behintzat funtzionatu duela dirudi.

Lehen letxuk ere dastatzen hasi gera, eta egia esan erositako letxuk baino askoz ere zapore goxoago dutela esan beharrik ere ez dago!!! Horixen iruditu zait niri behintzat!!

Bestetik landaketa berri bat ere egin degu, piperrena. Gernikako piperrak eta pimiento piquilloak sartu ditugu, hauek ere BlasEnea mintegikoak dira, ekologikoak alegia.

Dena ederki dijoa baratzan, lurra mimatu ezkero segituan fruituak ematen hasten da, eta honek bai ez duela preziorik!!

SORPRESA!!

Lehen sorpresatxoa izan degu baratzan! Orain arte ederki hazten ari ziren azelgetako landaretxo batean pulgoi erregimendu ederra topatu degu! Honen aurrean neurri ezberdinak artu daitezke, eta oraingoz landarea garbitzearena zan da, baina zerbait gehiago egin beharrean gare!!!

Hau bihar izan izango da, errezeta bat topatu det baina kontauko dizuet ea baliagarria izan den;

Eltze batean, litro bat ur jarri irakiten tabako eskuka batekin, pipermina eta pimienta pixkatekin, hau 10 minututan utzi irakiten. Lortzen den likidoa pulperizatu landareetan.

Oso efektiboa omen da!! ikusiko deu ba!!!

EBOLUZIOA

ELIZMENDIKO BATZA

Hementxen Ibonek eta Beak bidalitako argazkia.Beraien baratzatxoa da hau, pasa den urtean tomate ederrak, kalabazin ikaragarriak eta makina produktu eman zituena!!! Ikusiko degu aurten... ea zenek dituen tomate hobeak... !!! ji ji ji

PHYSALIS ALKIKENGI

Berrobiko Batzan ere multikulturalidadea badago! Oraingoan jatorri japoniarra duen bi landare ikusgarri landatu ditu ikerrek, corazoncillo edo farolillo chino ere deitzen zaio. Benetan fruitu polittak ematen ditu, eta hauek propietate bereziak dituzte, erreuma edota giltzurduneko harriak desegiteko erabiltzen dira, bitamina C iturri handia ere badira!!

Gainontzean baratza badijoa itxura ederra hartzen; letxuk eta tipulak handitzen, marrubiak fruitu gozoak ematen, azelgak ere ikaragarri hazi dira, kalabazinak lehen lorak eman dituzte, tomate landare gehiago ere sartu ditugu... Itxura ona dauka oraingoz!!

Gaurkoan Gorkak ezagutu du batza, gustora ibili da alde batetik bestera argazkiak ateraz nik ureztatzen nuen bitartean, marrubi gozoa ere dastatzeko aukera izan du!! ;DD

BIXITAK

Eguzki pixkat ateratzerakin batera denok baratzan lanean jartzen gara !!

Atzo auzolanean, belar txarrak kendu, jardin botanikoko belarra txukunddu, (oraindik ez deu honi buruz hitz egin... beste post batean kontauko dizuegu !!) baratza ingurua garbitu, eta baratza beste puska bat anpliatu ere egin gendun!!! Planifikazioan ez zegoen aurrie ikusita, baina segituan erabaki genun ze espezie landatuko genuen bertan, porruk!!!

Zerbeza tranparen kontua... ba uste baino hobeto funtzionatu duela esan dezakegu... nik karakol handi handiak ikusiko nituelakoan nengoen bote barruan, baina ez.. bare ttikiak ziren baratzan aberie itten ai zienak!! mordoxka bat hantxen zeren zerbezaren alkoholetan ittota!!Komentau deten bezela, auzolanean aritu ginen, Manex konturatzerako belar txarrak kentzen hasi zen eta ezin esan gelditzeko ;DD!! Orain, lanaren ordainetan letxu bat zor diogu. Eta super konjuntauta baratza etorri zena?? Gari!! honek lan asko ez zun in baina bueno... beste batean engantxauko deu!! Horrelako bixitak ere eskertzen dira !!

BARATZETIK AT

Hementxen dokumental interesgarri baten zatitxo bat. Reflexio modura balio dezake guztiontzat nora goazen.... link honetan dokumental osoa ikusteko aukera dago. LINK a.

KARAKOLAk ETA BAREAk

Hainbestean bilatu degu baratza gaur, pasa den asteko euriekin okerrago egongo zelakoan ginen... baina nahiko txukun zeon!! Baratza iritsi eta nola ez, marrubi gozo gozo bat dastatzeko aukera ere izan degu!! Beno, eta oraingoan benetan zerbeza ontziak lurperatuta teila batekin ere ipini ditugu!! Kalabazinen inguruan eta letxu inguruetan jartzea iruditu zaigu egokien.. Oraingoz hauek baitziren kaltetuen zeudenak!

Ereindako azenario haziak ere hasi dira ernetzen, a ze sorpresa!!

Tomateen gora beherak gaur ez ditut aurreratuko baina aste honetako lanak izango dira hauek!! Antoniok ere asesoramenduak egin dizkit, eta kontutan hartuko ditugu!!

AI GURE TOMATEAK!!!

Oraingoan ez dakit ba nik zer aterako den hemen... Egia esan landatutako tomateak dagoeneko horitzen hasi dira, eta egun hauetako hotzekin.... gauza honik ez!! ikusiko degu eta balorau in beharko da, ea hauek kendu eta berri ere landare berriak ekartzea merezi ote dun edo bere horretan uztea komeni den!!

Lehen kalteak ere azaldu dira baratzean, kalabazinak eta letxuk izan dira afektatu handienak. Kalteak barraskilo eta bareek egindakoak dira, honen "aurka" sistema bat frogatuko degu, ez dakit funtzionatuko duen baina irakurrri dudanarengatik bere efktua ba omen du; ontzi batzuk lurrean sartu garagargo pixkatekin, eta antza denez barraskiloei ere garagardoa asko gustatzen omen zaie eta bertan moxkortuta geratzen omen dira...

ETORKIZUNA?¿

ZAINGORRIA

Landare hau identifikatzea oso erreza da, gorri koloreko zurtoinak izaten ditu, loreak, arrosak, moreak edo gorriak izaten ditu pareta eta toki hezeetan topatuko ditugu.

Zainak izan ezik, landare osoa erabiltzen da. Eta bi gauzetarako erabiltzen da;

• Zauriak gelditzeko balio du; infusioak egin eta honekin zauria garbitzeko erabili ohi da, baita kataplasmak eginez, landarea artu eta txiki txiki eginez. Odoljarioak infusioa egin eta egunean 3 aldiz edanez zaindu ditzakegu.


• Beherakoa gelditzeko ere gaitasuna du landare honek. 30 gr litro bat uretan infusioa prestatu eta egunean bizpahiru aldiz edan.

AI AMA!!!

Baino baino zer da hau??? Otsaileko tenporek esan zuten bai... , Maiatzean elurra ingo zula, baina guk ezta sinistu ere!! eta beida beida nola garen!! Nere kezka baratzak iraungo ote duen da... Aste honetan oaindik ezin izan det bixita egitera joan... baina bihar sin falta!!! Ikusi ea Tomatek zutik daren, eta ea zer moduzko eboluzioa damakien... letxuk ere kezkatu xamar naukate.. ez dakit edo gure letxuk mantxogok dien, o bizilagunarenak oso bizkorrak... Azken bixitan harriturik geratu nintzen, ikaragarrizko letxuk in zaizkio berari eta gureak hortxen en supervivencia zeudela ziruditen... Eta hori gustora!! ez bare eta karakol "atakeren" sintomarik ez zutelako! ea ze tanketa ematen diozuen!!!

MAILUKIXAK

Aranek bidali dizkidan argazkietan ikusten den modura, marrubiak bere punttura iristen ari dira pixkanaka. Etxera sartu aurretik, ezin hobeak dira lan eguna bukatu ondoren, opari bezala baratzetik artu eta dastatzeko!

Euria ere goian behean egin du aste buru honetan, baita datorren egunetako pronostikoek diotenez horrelako eguraldia jarraituko du. Ez dakit tomate landareak zutik jarraituko duten. Dagoeneko hauei tutoreak jarri dizkiegu, ikusiko degu zer pasatzen den!!

TXIKORIA BELARRA

Gure zelaietan horren ugaria den landareari buruz idatziko det gaur, Kardabera (lat:Taraxacum officinale) ere deitzen zaio. Deskribapen handirik ez du behar, denok ezagutzen baitugu, baina ezaugarri berezietako bat, zurtoina moztean ateratzen den esne zuria da, baita fruituak heltzean zuri zuri bihurtzen dira eta haize pixkatekin erortzen direnak.
Txikoria belarrak gauza askotarako balio du, hemen gauzatxo batzuk aipatuko ditugu;

Odola garbitzeko, baita kolesterol arazoak hobetzeko, erabiltzen da infusioan, litro bat uretan 20-30 gramo hosto egosi eta egunean 3 basokadatxo eran behar izaten dira, goizekoa baraurik eta beste biak otorduen aurretik.

Giltzurrunetan harriak ditugunean , desegiten laguntzeko edo likido erretentzioa denean ere erabiltzen da; honetarako ere infusioa egingo da, egunean 20- 30 gr txikori-belar zainena edo hostoena.

Larrurazaleko arazoentzako ere lagungarria da, ekzema, herpesa, aknea, psoriasia...

Loreak eta hostoak entsaladan ere jangarriak dira oso mikatza izan arren.
Lehortzeko, udaberrian eta udazkenean jasoko degu .

RADIO PATIO

Esanda bezala, tomate landare ekoligikoak erosi ditugu, barietate ezberdinak (Ruso, Corazón de Buey eta Pimiento de Cebra). Halere aste honetako lana hauen tutoreak jartzearena izan beharko du, normalean alderantziz egiten da, baina dena batera ezin egin!

Batza jutea inguruko bizilagunekin eta "konpetentziarekin" topatzea, dena bat da!! Batzan inguruko gaiak eta ez diren guztiak ere esanez, elkarri ere xirikatuz... Egoera xelebreak ere topatu ditugu!! begira begira!! Antonio hortxen jota fuego lanean bañadore eta katiuskakin! Club de fans eta dena ingo deula ere agindu diogu Izarne eta biok!

TXORIEN KANTAK

Gaur goizean goizetik eguraldi ona zela eta aprobetxau in nahi nun eguna. Azkeneko asteetan ez det aukerarik izan ez mendira joateko ezta baratza bixitatzeko ere eta gaur goizean denak egin ditut! Goizeko ihintza lagun horrelako pasaiak aukera izan det!!

Batzan eboluzioa badijoa, aste buru honetan landaketa batzuk ere egingo ditut,baina oraingoz nobedadeen artean, marrubiak dira!! lehen frutaxoak hasi dira ematen!! Ez det uste mazedonia bat itteko aina izango deunik, baina bai hauen zapore goxoa dastatzeko behintzat !!!

Batza; Le Jardin Potage

Gaur hitz berri bat ikasi det frantseseko klasean, agian aspaldi ikasitakoa izan beharko luke baina beno...

Aste guztian zehar euria noiz egingo zeruai beida damakit , eta badirudi gaur iluntzetik aurrera zerbait egingo omen du... oraingoz 4 ttantta besteik ez dittu in, ikusiko deu gauean zerbait egiten dun. Eta zergaitik horrenbesteko ardura euria egin dezan?? Gaur asteazkena, oraindik ez det denboraik izan batzai aste honetan bixitatxo bat itteko, beraz ezin izan ditut landareak ureztatu !!! Ea bihar hartzen deten tartetxoren bat eta sorpresa txarrik ez daon!!

Aste honetan baratzean landatzeko hainbat landare erostekotan gara, eta hau zehazki Iturrango jardin botanikoan urtero antolatzen duten landare berezien azokan izango da! Sendabelar moduan, edota baratzeko izurriteak kontrolatzeko balio dezaketenak erosiko ditugu, baita tomate landare ekologikoa. Azkar xamar ere bada tomatea landatzeko baina proba egiteko barietate ezberdinak ea posible ditugun lortzea!!

PIXKANAKA

Baratza, badoa pixkanaka, pixkanaka. Aste burun ere joan nintzen ikustera zmz ari diren hazten letxuk, marrubik...

Landatu eta bi hiru egunetan ikaragarrizko letxu ederrak egotea nahiko genuke... baina hau prozesu mantxoa da... bakoitzak bere denbora behar du... mimoak eman behar zaizkio, eta neurri haundi batean hori ere ikasten da baratzean, pazientzia izaten alegia. Askotan gauzak momentu horretan, guk nahi ditugunean ez baditugu lortzen frustrazio eta amorrua sentitzen degu, eta hau terapia ona izan litekeelakoan nago. Filosofadak alde batera utzi eta gaien zentratuko naiz!!

Dagoeneko planifikazioa eginda dago baratzekoa, proposamenak ere Ikerrek egin dizkit eta kontutan izango ditut!!

Beste ideia bat ere aste buruan izan det, eta gune hau ere lagunen baratzen gune ere bilakatzea nahiko nuke, beraz joan baratzak txukuntzen, ;DD zeren eta laister zuen baratzean bixita egingo det!!

Lehendabizikoa , Larraulgoa alegia, pasa den aste buruan, Larraña baserrian patata ereiten ere lagundu nuen, hementxen aitta semeak lanean buru belarri!!!

BIZILAGUNAK

Gaur baratzan izan naiz letxuk eta tipulak eta gainontzekoak zmz zeuden ikusteko. Ur pixkatxo bat ere bota diet, pronostikoen arabera hurrengo egunetan ere euririk ez omen du egingo .

Lanean hasi orduko, lehen bizilaguna azaldu da , Juanita du izena, eta bera izango da uste det baratzako superbisora onena, ordu laurden batean asesore lanak ere egin dizkit eta, gero praktika nere kontu.. eta hau da zailena noski!

Herraminetak ere uzten dizkigun gizona Xarles, azaldu da ia lanak bukatzen ari nintzela, gero hantxen jarri da balkoitik egindakoa baloratzen... irrifarra egin dit agurtu dudanean beraz, horren geixki ez nuen egingo... edo bestela, berarentzat gorde du, gure letxuk baino obek izateko....

Letxutaz hitzegiten ari garela, ondoko baratzean hau ikusi det, botika urdin batez josita zuen inguru guztia... egia san ez dakit ze botika den, barraskilo eta barearen kontrakoa izango delakoan nago... hurrengoan galdetuko diot, baina hau oso EKO ez delakoan nago.

Eta lehen loretxoak eta frutatxoak hasi dira ateratzen baratzan!!! marrubiarenak dira... nik jota artu eta baratzean landatu nituen, baina agian Ikerrek dioen moduan beste paretatxoaren inguruan jartzea egokiagoa litzateke, beno, ikusiko degu nola moldatuko degun, baita perejila ere.

BARATZEKO SENDABELARRAK

Blogean ere sendabelarren berri emango det, askotan guk landatutakoari bakarrik egiten diogu kaso, naturalki edo bere kaxa baratza inguruan hazten denari belar txarra deituz, eta txarra txarra... askotan ez da egia, hori guk jarritako izena da!!

Pasa den egunean, bostorriari (lat. potentilla reptans) buruz hitzegin zigun bertako emakume batek. Izenak dioen moduan, bost hostokaxko landarea da, baina zazpikoa ere aurki daiteke, loreak hori kolorekoak dira. Loraldia, apiriletik Iraila bitartekoa izaten du.

Eta garrantzitsuna, zertarako balio du?? odoluzki eta beherako kasuetan lagungarri bezela erabiltzen da.

ZER EGIN? infusioak, ukenduak, lurrinak, ...

INFUSIOA (Beherakoaren aurka): litro ur bakoitzeko 30 gramo hosto egosi 15 minutuz, pixkanaka eraten joan.

LURRINAK; litro bat uretan, 50 gramo bostorri egosi, 5 minutuz. Infusio honen lurrinak oso onak dira odoluzkia sendatzeko, eta hoztean, hau hoztean almorranak garbitzeko balio du!! ez da oso agradablea izango baina bueno...

Zimurren aurka ere erabil daitekeela irakurri det.

Noiz eta non bildu? Hostoak eta zainak erabiltzen dira, kasu honetan loreak ez dira erabiltzen!! Udazkenean eta Udaberrian biltzen da, baina lehortu daiteke eta urte guztirako gorde, baina gehiago ez.

Jan era jan daiteke, entsalada moduan.

Nik ez det probatu zorionez... baina bueno ondo dago jakitea!!

LEHEN LANDAKETAK

Antza denez fundamentuz hasi gara!
Gaur lehen letxuk, marrubik, perejillak eta kalabazinak landatu ditugu baratzean...
Oraindik planifikazio txukun bat egiteko denbora ez det izan baina ea aste honetarako egiten dudan... Datorren astean ordea hotzak omen datoz... baina lunarioaren arabera aste hau zen landaketak egiteko egokiena....

Ea asmatu degun eta dena txukun txukun aurrera doan...

landatu ondoren ura ere bota diet suspertzeko, bi hiru egunetan diferentzia somatuko dugulakoan nago...!!!

MARTXAN DA!!!

Aurtengo negua gogorra izan da, baina dagoeneko eguzkia aterazen denean goxo goxo berotzen du, Udaberrria iritsi dela esan dezakegu! Baserritarrak esaten duten bezala oraindik ez harritu maiatzean elurra egingo balu, baina behinik behin, egun eguzkitsuak hasi dira!!! azkenean!!

Aurtengorako proiektu garrantzitsu bat jarri degu martxan Berrobin!! Eta mila esker Iker eta Arani, beraien lur zatia konpartitzeagatik eta horrenbesteko ilusioarekin hasi izana denok elkarrekin baratza lantzen!!


Atzo izan zen lehen eguna, eta ostiraleko nekeak alde batera utzita, arratsaldean aritu ginen baratza prestatzen, segarekin belar handienak Ikerrek moztu zituen, nere kolaborazioa ez zen ezer izan berak egindako lanaren aldean, baina ikasteko prest nago, eta horrelako aukera gutxi daude! Beraz eskuarea artu eta belar pilak egin eta ahal den neurrian lur zotala kentzen aritu ginen atxurrarekin ... hau gehiaxeago kosta zen...


Sarde modukoaerekin, lurra iraultzen ere hasi ginen, baina bizilagunak, eta hau bai benetako baserritarra, fundamentu gutxirekin ari ginela ikusi zuenean segituan ekarri zun rotabatorea eta ttur ttur ttur 10 minututan prest zegoen baratza!!!

Azkenik, lurra berdindu eskuarearekin eta LISTO!!!

Gaur letxu eta tipulin batzuk sartzekotan geratu zen Iker, nik, planifikazioa egitekotan eta ahal den neurrian landare ekologikoak lortzen...

Hemendik aurrerakoak dira ordea zailenak!! Atzo errezena egin genuela esan dezakagu!!

Orain hasten da lana!!! baina gogoz eta kementsu aurrera!!!! Gure sukaldeko barazki goxoak guk ekoiztutakoak izango dira, baratza ondo mimatu ezkero noski, eta hau baino errekonpentsa handiagorik, ez dakit ba ote dagoen, dena ama lurrari esker!!

Aipatu beharra dago, konpetentzia handia dela, alde baltetik Antonio degu... buru belarri atzo ximaurra zabaltzen aritu zena eta gutxienez ordu erdi baino gehiago egin zuena rotabatorearekin bueltaka 30 metro karratuetan!! jesus!! a conciencia!! bai bai!!

Inguruko baserritarrek ere kaleumeak baratzan zmz moldatzen diren edo kurisiotatea azaldu zuten... ikusiko deu ba!!!